满语经典念说【三国之歌等多段】

不都是三国之歌吧？虽然听不懂，但第一段有cu gurun， 张良这样的词汇。
能否把三国之歌做成单独的文件发出来？这样听着方便。很喜欢这位先生的语调，听着很爽。

[ 本帖最后由 sears 于 2008/2/18 06:06 编辑 ]

《三国之歌》部分原文

来自 <Ars poetica manjurica》 p189

ilan gurun i ucun

mere ilha ilagnambi,
mergen urse temxendumbi;
mentuhun ningge seci gemu gukufi,
mekterengge ishunde hiracambi.

  ilan gurun der seme dekdefi,
  toso buraki tucime ishunde sujanduha;
  kesi akv irgese seci,
  loho gida i dubede ishunde susunduha;

dergi ubai sun cuwan,
siowan de i gemulehe si cuwan;
jalingga z'ooz'oo i tehe jung yuwan,
ishunde temxerengge seci jing jeo i dung cuwan.

  lukeo bujan de fithehe ilha,
  lu zi jing i arga.
  han xeo ting heo be solifi,
  lu keo sarin de farga.

tala de fekisire tasha,
tafulara gisun be daha;
tai xi ciyoo gung tucifi,
zi jing be ilibuha.

  xeo seme edun dambi
  xeo ting heo be ai gelhun akv necindumbi
  tasha be nirumbi sehei indahvn oci,
  elemangga xeo ting heo de basubumbi.

j'ilan orho i ula,
zi jing sini arga cala;
guwan mafa i horon de seci,
mengde elkei jalan ci jaila.

  muduri jilgan be donji,
  musei gurun de fonji;
  toro yafan i ahvn deo be seci,
  jalan jalan de deji.

eldengge xun fulahvn,
etenggi niyalma i ahvn;
han han i ecike lio bei be seci,
ere jalan de uhuken etuhun.

  alin de banjiha hori,
  amilaha boobei i loho i gari;
  suwayan mahala i hvlha be efulefi,
  abkai fejile gebungge oho.

dekdeme deyere lefu,
deo ide gvnin sefu;
dang yang cangban ciyoo de seci,
akjan jilgan gida i sefu.

  z'ooz'oo i tanggv tumen cooha,
  ide emhun yasai fusihvn tuwaha;
  ide i gebu horon algifi,
  nei jalan de tutabuha.

hayame deduhe muduri,
hafu eyehe mederi;
elben i boode tehe kungming be seci,
hacingga arga i jori.

  z'oojen i silhi be gaiha,
  siya heo dun be xanggiyan i fangxaha;
  geli jing jeo be eiterefi,
  jeo gungjin be fancabume waha.

terei erdemu be tuwaha,
terei bodogon be saha;
enduri hutu hono olhoro bade,
o lung de we bakcilara.

  boconggo tugi funghvwang sabjangga,
  bocihi banjiha pang tung argangga;
  cuwan holboro arga be deribufi,
  jeo gungjin de aisilahangge yala saixacuka.

aisin yuwan i maitu,
zi yuwan i xumin bodogon tuttu;
narhvn arga i baxu be baha be tuwaci,
yala amcame muterkv erdemu i uju

  dabtame weilehe saca,
  dang yang cangban ciyoo be ala;
  dahime ajige ejen be aitubufi,
  dacun gebu be tumen jalan de ula.

zi lung unenggi fahvn amba,
niyalma morin senggi de nicubuhe.
z'oo mengde i tanggv tumen coohai dolo afanduha,
jurgangga sain gebu be julgeci ulhangga tongga.

（手敲录入，未完待续）

[ 本帖最后由 sears 于 2008/2/18 22:12 编辑 ]

引用:

原帖由 sears 于 2008/2/18 12:34 发表
不都是三国之歌吧？虽然听不懂，但第一段有cu gurun， 张良这样的词汇。
能否把三国之歌做成单独的文件发出来？这样听着方便。很喜欢这位先生的语调，听着很爽。

不都是   还有 张良悲歌散楚兵 杨家将 等等~

minggan babe yabure muduri morin,
ini jafaha jangkv i garin;
han jing de gebu algifi,
tanggv okson dubede gabtaha sirdan i jorin

suiha be tuwame niyalmai ergen be jocibumbi,
fumureme afaci gung be mutebumbi;
udu se sakdacibe,
we han xeng de teherembi.

mailasun moo i salin,
man gurgu i sacin;
ma meng ci i horon de seci,
mengde salu be faita.

suje de xeolehe ilha,
sunja tashai jiangiyun be ilga;
sujafi afara bade seci,
yooni xurdeme gebu ese ci jaila.

ma liyang i ji de bodogon bi,
wang ping liyoo hvwa de baturu bi;
guwan ping jeo z'ang de horon bi,
wei yang i gung be umu jonoro.

mudan ilha ilganambi,
soro moo abdaha sihambi;
ere emu gargan jiyangiyun seci,
te gemu liobei de aisilambi.

ne emgeri jing jeo be ejelefi,
horon hvsun ele selgiyebuhe;
han xeo ting heo be neciki seci,
yala mangga dele mangga.

zi jing doro arambi,
ai gelhun akv fudarambi;
aisin gu i gese tafulaha de seci,
ambula baniha sembi.

yangselame weilehe gu i umiyesun,
yarume gajifi tuwara;
yamji cimari seci,
yargiyan mejige be bahafi sarin.

injeme tere lio han ecike,
si cuwan be bodoro bodogon pang tung de bihe;
lo fung po i bade isinafi,
fung zo facuhvn sirdan de ufaraha.

han i ecike arga mohoho bihe,
hacihiyame jasigan bufi;
jing siyang i bade seci,
looye be teile bibuhe.

uyaxan maksime jihe,
u wang  i gisun bihe.
zi jing de afabufi,
unenggi arga be toktobu sehe.

cimari takvrara niyalma jurambu,
jing jeo de isinaha manggi;
looye be solire gisun be,
sain i jabu.

soro moo i abdaha sihambi,
solime genere niyalma be baimbi;
sohon cirangga hvwang wen be seci,
somishvn i takvrafi unggimbi.

hvwang wen cuwan de tefi,
jing jeo i baru yoombi;
jiyang i eyen hvwalar hilir sembi,
hvwang wen i gvnin joboxombi.

ayan bukv guwembi,
amcame tuwara aibi;
adarame ocibe,
amasi bedererkv yoombi.

abkai duka be neihe,
amba jiyun heo de ulaha;
looye ulhifi gala be elkihe,
amba ajige jiyangiyun sabe amba tanggin de isa sehe.

gu tungken be foriha
gubci gemu isaha;
hashv ici de faidabufi,
u gurun i elcin be dosibuha.

（未完待续）

[ 本帖最后由 sears 于 2008/3/1 01:31 编辑 ]

把三国之歌的音频部分单独编辑出来了。对照满文转写看着方便，很方便用来连习听力。
故事没说完呢？正要高潮就没了，难道是“下回分解”了？责成sure赶紧回去再把剩下的部分录了，要不自己续一个。

[ 本帖最后由 sears 于 2008/3/1 01:40 编辑 ]

hvwang wen uyun geri dorolome henkilefi,
zi jing i jasigan be alibume buhe;
ting heo alime gaifi funghvwang yasa be neihe,
muduri faitan be hitereme tuwafi kvmali arga be saha.

xeoleme weilehe gu i umiyesun,
solire jasigan i gisun;
salu saikan gung be seci,
akjan i gese sicaha bihe.

boconggo tugi hetehe,
borhofi gvnin bihe;
gvnidatala sabuha akv ofi,
kidume gvnire mujilen nemebuhe.

tucire xun foxome eldeke,
tumen de jidere be erehe;
cimari lu keo i sarin de seci,
elden wasime jiderengge fulu.

amtangga nure tebuhe malu,
amba ting heo be solire gvnin jalu;
ainame tulgiyen gvnirkv oci,
aicibe enggeleme jiderengge gvnin fulu.

jakda moo niowanggiyan bihe,
jasigan gvnin be tuwaha;
jangkv teile soliha de,
jalingga gvunin be saha.

muduri hayaha tura,
murime genefi tuwara;
lusu i mentuhun de seci,
xeo ting heo mimbe ainara.

eshun gurgu i dara,
engggi karu jasigan be ara;
cimari sunja biyai juwan ilan de seci,
mini beye emhun genere be ala.

hvwang wen jasigan be baha,
hvdukan i uju be tebeyelefi yooha;
beye ci emdubei wahvn nei eyembi,
ula i muke juxuru nonggibuha.

ayan bukv guwembi,
ama be tafularangge sembi;
ama beye seci taixan alin ci ujen,
weihuken gvwa gurun de generengge ai uttu debjen.

gebungge bithe de tuwambi,
gelhun akv tafulambi;
banjiha alin i sukji,
batai gvnin be kimci.

ashaha loho i garin,
ama be solire sarin;
antaha i gvnin de seci,
argangga jalingga i jorin.

hungkereme weilehe menggun dengjan,
han amji afabuha tuxan ujen;
gvwa gurun de generengge seci,
ai uttu sebjen.

aisin dabdaha sacin,
adaki gurun i arga be baica;
oyonggo babe ufaraci,
amji urunakv ama be jabca.

hvlhai gvnin be bodo,
hvturingga  gvnin tondo;
meimeni ejen be weilembime,
hobin de tuherengge ai yokto.

fulhv de tebuhe tana,
fulu gisun be naka;
tampin i nure be gaju,
tafulara gisun be naka.

dabuha ayan juru,
mini jui gvnin inu uru;
hvntahan de nure de tebu,
hoton de guwan ping be bibu.

jeo z'ang si mimbe dahame yabu,
mentuhun lusu be seci ting heo mimbe ainaci ojoro;
cimari sunja biyai juwan ilan seci,
mini emhun genere be tuwabu.

(未完待续)

han xeo ting heo i fafun sehe,
c'itu morin be werihe;
cinglung jangkv be gaifi,
lu keo i baru juraka.

xu gurun i jiangiyun sa sehe,
lu jiyang de fudenjihe;
hashv ici de faidabufi,
amba ting heo be erdeken marinjireo sehe.

looye  urgunjeme tuwaha,
gung ambasai baru gvnindarkv de marinjimbi sehe;
ma liyang i ji jergi hafasa seci,
looye i argan be safi dolo elhe oha.

lu jiyang i cooha be tuwaha,
cuwan be belheme gaiha;
xeo ting heo tehe manggi,
u jiyang i baru yooha.

jiyan si saha,
lu su de boolame yooha;
lu su, lioi meng, han dang sade ulhibufi,
cooha be buksime gaiha.

sioi xeng, ding fung de sehe,
arga be tacibuha;
u gurun i jiyanggjiyun sa,
hacihiyame julesi jihe.

han dang jergi hafasa sehe,
hanciki okdome bihe;
doronggo saisa jimbi,
jiyun heo i elhe be baimbi.

looye oksome jimbi,
gung bisire ambasa sembi;
gubci gemu jergi aname cancurame acaha manggi,
jeo z'ang de jangkv be buha.

alin de feksire tasha,
amba horonggo haha;
amba yamun de dosifi tehe manggi,
abkai enduri gese tuwaha.

zi jing i  fafun jimbi,
jiyun heo be gingguleme tuwambi;
sarin be jibebumbi,
amtangga nure be alibume bumbi.

amba loho i garin,
amba ting heo be kundulere sarin;
amtangga nure be sukji,
meni ginggulere gvnin jalu.

gu i hvntahan nure be gaisu,
gvnin de acara sogi be baisu;
hvwaliyusun sukdun dekderxembi,
lu su mujilen de sengguwendembi.

alin de banjiha weji,
amba jiyun heo de deji;
arga akv ofi sembi,
ajabume yarure gisun deribumbi.

lu jiyang de banjiha sukji,
lu su i gisun be donji;
amba ting heo be helenehe solin,
ainame jing jeo be bederebure fonjin.

han i ecike seci,
lu su be mujakv gosime bihe;
u heo de gisurebufi,
uthai jing jeo be baifi tehe.

ere erin be tuwaha,
ertele bedereburkv bihe;
han ecike enduringge ejen bime,
ede akdun be ufaraha.

ju g'o zi yu sehe,
siyan ju i bithe be tuwaha;
julesileme genefi,
jiyun heo de acaha.

han xeo ting heo sehe,
xuwe akdun be ufaraha;
ju g'o jin be seyeme tuwafi,
elkei bucehe.

(未完待续)

jeo lang arga be sambi,
amba ting heo de baimbi;
lu su i jilkan de seci,
jing jeo be buci ombi.

looye ejejeme tembi,
zi jing be donji sembi;
gurun booi amba baita be seci,
we ai gelhun akv salici ombi.

zi jing i gisun waka,
gurun booi baita be naka;
sarin yangsi de seci,
gisurere gisun waka.

jeo z'ang julesi jihe,
jili daha arbun bihe;
lu su be seyeme tuwafi,
jangkv be looye de buhe.

alin de banjiha sukji,
zi jing mini gisun be donji;
han han i ecike ofi,
jing jeo be salirengge esi.

z'ooz'oo hvlha sehe,
jiyang i dergi be necime jihe;
meni jiyun xi akv oho bici,
jing siyang be alibume bihe.

meni cengsiyang sehe,
arga be bodome buhe;
ci sing tan de edun be baifi,
z'ooz'oo hvlha be gidaha bihe.

bailingga saisa jimbi,
jing siyan be salici ombi;
baili jurgan be sarkv bime,
elemangga jing jeo be gaju sembi.

julge ne be leolere be naka,
jing siyan be ererengge giyan waka;
jiyun heo i horon de seci,
jing siyang be baharkv be ulhime taka.

zi jing i gurun jalin faxxara be saha,
damu terei butemji koro seyecuke;
huntahan taili jilgan be tuwaha,
ukcara mujilen be jafaha.

looye urgunjeme tembi,
joe z'ang be yasa arambi;
arga be toktobufi,
jeo z'ang be jabcame toombi.

gurun booi amba baita be seci,
sini sarangge ai bi?
jeo z'ang uba ci jalin,
zi jing sijirhvn i ula.

engggi soktoho de seci,
eiten gisun akv be ala;
jeo z'ang i weile be seci,
emgeri oncodome guwebu.

xeo ting heo julesi jihe,
jeo z'ang de jangkv be buhe;
lu su i gala be jafafi,
zi jing mimbe fudeme yabu sehe.

lu jiyang de isinaha manggi,
unenggi mujilen be tuwabu;
lu su olhome tuwaha,
ukcame muterkv be saha.

arga akv ofi,
looye be fudeme yooha;
jang joo, gu yung sembi,
jug'ojin i emgi gala joolifi tuwambi.

ceng pu, hvwang g'ai sehe,
xeo ting heo de neciki seci;
talude zi jing ufararhv seme,
umainaci ojorkv oho.

han dang, jeo tai donji,
looye arga be fonji;
lioi meng, lu siyun sehe,
lu su i arga muterkv be saha.

ekxeme tungken be forime bihe,
sioi xeng, ding fung de ala;
buksiha cooha be jaila,
han xeo ting heo i horon be seci jalan jalan de ula.

looye cuwan de tehe,
zi jing siyan xeng be bene sehe;
zi jing ubaci fakca,
jiyang i dergi  be baica.

sirame soliha manggi,
jing siyang i bade aca;
sijirhvn lu su looye i enduringge be saha,
arga akv ofi amasi bedereme yooha.

enduringge mafa sehe,
u gurun be eitereme jihe;
unenggi gebube seci,
jalan jalande ulaha.

guwan ping kiru be tuwaha,
ama i jihe be saha;
ekxeme cuwan be gaime jifi,
ama i elhe be baiha.

ma liyang, i ji hafasa sehe,
meyelefi uhei acame jihe;
jiyun heo i elhe be baifi,
meimeni bederehe.

looye soorin de elhenehe,
gubci suduri bithe de seci;
gemu ejeme araha,
nede isitala gingguleme wesihulehe.        

(关公赴宴的这个故事段落结束)

引用:

原帖由 sears 于 2008/3/1 09:25 发表
http://pod.inetradio.cn/play.swf?uid=39012&pid=142085

把三国之歌的音频部分单独编辑出来了。对照满文转写看着方便，很方便用来连习听力。
故事没说完呢？正要高潮就没了，难道是“下回分解”了？责成sure赶紧 ...

呵呵

我可不会这哦     当时老先生之表演了这些    所以  我是毫无保留地发上来了

由以上视频转化的mp3 下载  
三国之歌

http://www.namipan.com/d/1de6a7f ... 7b15d2cb3afd9299200

无密码

[ 本帖最后由 sears 于 2008/4/23 00:16 编辑 ]