mini halame araha hergen:
Page 1:
nixan saman i bithe emu debteklin
尼山萨满传一册
tacibukv ge looye ningge
教师葛老爷的
Page 2:
julgei ming gurun i forgon de, emu lolo sere gaxan bihe, ere tokso de tehe, emu baldu bayan sere gebungge yuwan wai, boo banjirengge, umusi baktarakv bayan, takvrara ahasi morin lorin jergi toloho seme wajirakv. se dulin de emu jui banjifi ujime, tofohon se de isinafi emu inenggi boo ahasi sabe gamame, heng lang xan alin de abalame genefi, jugvn i andala nimeku bahafi bucehebi, tereci enen akv jalin facihiyaxame, yuwan wai angga sargan, damu sain be yabume, juktehen be niyeceme weileme, fucihi de kesi baime henkixeme, enduri de jalbarime, ayan hian be jafafi, ba bade hiyan dabume, geli yadahvn urse de aisilame, umudu be wehiyeme, anggasi be
Page 3:
aitubume, sain be yabufi eletulere jakade, dergi abka gosifi susai se de arakan seme emu jui ujifi, ambula urgunjeme gebu be uthai susai sede banjiha, sergudai fiyanggo seme gebulefi, tana nicuke gese jilame, yasa ci hokoburakv ujime, sunja sede isinafi tefi, ere jui sure sektun, gisun getuken ojoro jakade, uthai sefu solifi, boode bithe tacibume, geli coohai erdemu gabtan niyamniyan be urebufi, xun biya geri fari gabtara sirdan gese hodon (原文如此，词典上为查到，疑为hvdun )ofi，tofohon sede isinafi, gaitai emu inenggi sergudai fiyanggo ini ama eme be acafi, baime hendume, “mini taciha gabtan niyamniyan be cendeme, emu mudan abalame tuciki sembi. ama i
Page 4:
govnin de antaka be sarkv.” sehede ama hendume:”sini dergide emu ahvn bihe. tofohon sede heng lang xan alin de abalame genefi beye dubehebi, bi gvnici genere be nakareo”sere jakake， sergudai fiyanggo hedume,”niyalma jalan de， haha seme banjifi, ai bade yaburakv? enteheme boo be tuwakiyame bimbio? bucere banjire gemu meimeni gajime jihe hesebun ci tuciderakv.” serede, yuwan wai araga akv alame gaifi, hendume:”aika ablame tuciki seci, ahalji bahalji sebe gamame gene, ume inenggi goidara jebkxeme yabu, hahilame mari. mini tatabure gvnin be, si ume urgedere” seme afabure be sergudai fiyanggo je seme jabufi, uthai ahalji sebe
Page 5:
hvlafi afabume hendume:“muse cimari abalame tucimbi, niyalma, morin, enggemu jergi be teksile. coohai agvra beri niru jergi be belhe,.cacari boo be sejen de tebu, culin giyahvn, kuri indahvn be sain i ulebufi behe.” sere kalade, ahalji hahalji je je seme uthai hahilame belheme genehe. jai inenggi sergudai fiyanggo ama eme de fakcara ujui hengkilefi, uthai sere mori de yalufi ahaljisebe dahabufi culin giyahvn be almime(原文如此，词典为alimbi,“架鹰”), kuri indahvn be kutuleme, geren ahasi se jebelen dashvwan beri niru unume, juleri amala faidan meyen ganjibume, sejen morin dahaduhai yaburengge, umesi kumungge wenjeshvn sakda asigan gemu uce tucime tuwara
Page 6:
akvngge akv, gemu angga cabsime maktame saixambi, geren aba i urse morin be dabkiyame yaburengge, hvdon hahi ofi dartai adede(adada) gebunge aba abalara alin de isinafi, uthai ciciri maika be cafi neren feteme mucen tebufi, budai faksi be buba arabume werifi, sergudai fiyanggo geren ahasi sebe game, ahalji balhaji sade afabume :”aba saraki, alin xurdeme abalaki,” sefi uthai aba sarafi, gabtarangge gabtambi, geli gidalarangge gidalambi, giyahvn maktame indahvn be cukuleme amcabumbi, gurgu gasha jergi be gabtaha gome gemu baharakv ningge akv. Jing ni amtangga i abalame yaburede, gaitai sergudai fiyanggo beye gubci geceme, gaitai geli wenjeme, uju
[ Last edited by yanb on 2006-8-21 at 13:06 ]
